FANTATRAO NY AMIKO
Moa tsy avy aminao
Ilay fara taratr’irony mba fahaizako
Moa tsy aminao
No mba iantefan’ny fara-fitarainako
Moa tsy avy aminao
Ilay tsiky kely asandratr’irony mba marainako
Ekeko fa ianao
Mizaha sy mahita ny miafin’ito fiainako.
Moa tsy tsapanao
Ny mba vetsovetson’irony faniriako
Dia efa fantatrao
Fa Izaho anie nilaozan’olo-tiako
Dia indro fa hainao
tsy miafina aminao
Fa ory aho anio,
Ka dia mitalaho
zay vonjy azo atao,
Mangatsaka madio
Dia efa fantatrao, tsy miafina aminao
Izay vavaka asandratro
Vavaka andrandraina, sy mitaraindraina
Izay no mba filamatro
(2003)
Ny Eja
POESIE PAR Ny Eja
Anarana: 