IANAO

Tena tsara loatra ianao,

ka tsy sahiko jerena

nefa anie ity masonao;

Mibika ahy, tsy hay fefena!

Eny, tsara ho aho ianao

Ka tamin’izay, tsy mba ninoako

Izaho izay tsotra kely itony

mety hababo koa ny fony ?

Dia natopinao indray

nandinika ahy ilay fijery,

Izaho miafy sy manahy

Menamenatra irery.

dia narahinao tsiky,

avy ao anaty, tsara loko

ka toy ny henonao iky,

ilay dobodoboky ny foko

Dia niarahaba ahy ianao

feno fanajana fatratra

izaho nandray ny tànanao

vahobahotra sy niambatra!.

dia toy izay ilay nihaonantsika!,

tany Etazonia tany.

Ankehitriny, ianao tsy hita,

An-tanindrazanao any!.

Ireo taratasy niampita

nifanoratantsika roa,

no hany sisa manambara

fa nahafinaritra sy tsara,

tiana hitohy ny fiarahana.

Nefa atao ahoana moa,

semban’ilay fisarahana.

(2000)

Ny Eja