FITIA MIANGAVY

Raha toa ka tsapanao,

fa angamba ela loatra

ary ianao te hitroatra

hamadika ilay fitiavako,

Dia mba saino kely indray,

ny manandrana minia

fa ianao dia tsy nitia,

ahy rahavako.

Fa izaho kosa ho’aho

efa tia anao hatrany!

Raha toa ka tsapanao,

Fa mety tena mankalao,

‘lay "tia" fiventiko mazàna

nefa ianao toa tsy ho tamàna!.

Dia andramo kely indray,

hankalaina ny anarako

dia vonoy ireo tantarako!

Fa izaho kosa hatrany

hanohy mangina ato anaty

Ilay fitiavako tsy maty,

Ho anao irery ihany.

Raha toa ianao ka leo,

Ka te hamarana hatreo

Ireo teny mamiko aminao,

Fa ianao mba te haheno

Amin’olon-kafa indray,

ny miventy toy izay ?

Dia andramo kely indray

Ny mamono sofina amiko,

dia aza adinonao ahay

ny miteny tsotra izao;

fa ianao anie ka lao!

Fa fitiavana ahy koa izay

na dia tsy izany loatra aza,

no mba andrasako aminao!.

Raha toa moa ianao,

Ka miverina ho tia

Sy hamerina indray,

Ilay fitiavantsika ho fy

Dia ho tretrika aho rahavako,

Fa tafita ilay fitiavako

(2000)

Ny Eja