SATRIA MANTSY TIAKO IANAO!

raha manina ahy hono ianao

ka lasalasa ny fisainana

ilay teny mamiko iainana

ilay teny kely hoe "tiako ianao"

dia raha misy any ho any

hafa koa milaza izany

izaho anie ka tsy manahy

fa tsy mitovy velively

izay ho fatran'ny fitia

mety atolony sy ny ahy

fa na dia ny feonao

ny angolateninao

soritr' endrikao etsetra ...

sy ny momba anao rehetra

efa voateny sy voatetin'ny fitiavako daholo

fa latsa-damba aminao aho!!

dia ambarako ihany koa

na ho ratsy na ho soa

fa n'inon'inona hiseho

aza manahy f'izaho ho eo

anilanao lalandava

ny fisainako sy foko

ka na sento na toloko

no mety mahakivy anao

hositraniko ho hitanao

 

(Déc 2003)

Ny Eja